星期一返到公司一坐低, 就收到一位客人嘅電話投訴(第2次了)! 呢位熟客足足用咗15分鐘又鬧又哦! 都係投訴啲同事態度差, 黑面咁. (呢位熟客係一間旅行社嘅老板, 經常帶本地一日遊呢酒店食lunch buffet上星期日就訂咗180人嘅餐)
作為半個管理層, 當然唔會只係聽個客講, 都要向同事查吓究竟發生乜嘢事!
問咗其實等如無問!都係果啲例牌答案: 客多啦, 人手唔夠啦!
但個point係:
一向都係人手不足情況下去handle 180人嘅餐! 點解今次會出事?!
將件事報告上級, 上級幫比投訴同事解釋: ‘果位同事平時唔係咁架, 可能真係多嘢做, 人手唔夠咪有小小黑面同講錯嘢咁囉!’
你係客可以接受呢個解釋嗎?
忙就可以黑面? 忙就可以鬧客?
我同呢位上級講, 星期日去咗翠華茶餐廳食晚飯. 當時全場坐滿, 我地諗到乜就叫乜, 個waiter來來回回幾次落order, 壹壹又係到要打杯杯碟碟, 又大聲叫, 叫咗通粉, 轉個頭又話要加啲湯又話要打包, 之後壹壹仲推跌咗成支醋!
45內分鐘接觸過嘅所有員工無一位向我地黑面! 佢地嘅reaction係非常之快, 真係叫乜有乜(當然佢地有足夠人手) 我地仲非常唔好意思, 未食完就要走! 果位經理仲講 ‘唔緊要, 都慣架啦, 小朋友係咁啦’
點解一間茶餐廳嘅員工可以做到咁好?!
突然間諗起個客鬧:
‘依家唔係5星定3星酒店問題! 係你啲同事無家教呀!
Posted in Career, Feelings, Shirley | 2 Comments »
上星期6放咗工, 約咗3位舊同事食Tea.
對上一次見面時已經係舊年6月, 當時係同我farewell, 今次輪到S同小姐!
終於我地4位都先後離開那個”鬼地方’!
友人提到”我唔想30幾歲仲要走去做sales call!”
當時個心一沉, 我已經30幾, 禽日先去咗洗樓! 鬼唔想坐係office等人嚟sell我咩!
呢兩日就諗起一個問題
“幾時可以自己做老板?”
做乜?唔知架! 但係做乜都好, 首先係要增值!
禽日就去報咗個初級攝影, 下個月開班……..
Posted in Career, Feelings, Shirley | 3 Comments »
朱湛剛 都市博客 – 都市日報 24 April 2009
我深信在輕鬆愉快環境中成長的青少年，更能培養出成熟的心智和人格，更能夠面對將來複雜的社會競爭環境。
每年四月又到了小六學生家長煩惱的日子，如何幫子女報讀心儀的中學成了家長的共同話題。到了派位結果公布的日子，例必出現某些家長和學生因為無法入讀心儀的學校，在電視鏡頭前淚如雨下抱頭痛哭的影像，猶如世界末日，聞者心酸。
據當局公布的資料顯示，今年全港約有六萬八千七百名小六學生將參加新學年升中派位，人數較去年減少約三千人，但是因新學年每班人數將減少兩人，英文中學學額變相下跌，較去年勁減近七百七十個，減幅逾百分之六，形成新學年每六人爭奪一個英中學額的情況。
為了望子成龍，許多家長置子女的能力和成績不顧，削尖腦袋想方設法安排他們入讀英中名校，甚至所謂貴族學校，以為名牌貼在額頭就能山雞變鳳凰。
兩年前我也曾面對同樣的抉擇，為長子報讀中學而煩惱。正當我站在十字路口時，學校老師對我說：「你兒子的成績屬於Band 1組別，要入讀名牌直資中學有一定難度，但不是沒有可能。問題在於你是希望兒子在一個輕鬆愉快的環境中完成中學課程，還是在一個充滿競爭、壓力、甚至相互攀比的環境中成長。」
老師一言猶如當頭棒喝，社會壓力已經令成年人喘不過氣來，難道青少年也要受這些罪嗎？況且人生道路漫長而曲折，我深信在輕鬆愉快環境中成長的青少年，更能培養出成熟的心智和人格，更能夠面對將來複雜的社會競爭環境。於是我選擇了一間校風良好，成績不俗的學校。事實證明，兒子正享受他的中學生活，輕鬆的學習環境更能發掘他的潛能。
現實中並不是人人都那麼幸運，往往由於家長的錯誤抉擇，令小朋友活在不可磨滅的陰影中。兒子一名同班好友，其家長堅信名牌，想方設法安排他入讀港島某名校，興奮心情維持不到半年，某日家長被老師召見，老師劈頭一句「你個仔都唔知點『碌入』我哋學校，家陣佢係籮底橙」，老師刻薄之言猶如一股涼氣直透背脊。直至今天那小朋友仍活在「籮底」之中，每日背着「包袱」上學，回到家中不見歡顏，家長到今日仍為當初錯誤抉擇而懊惱不已。
上述例子還不算經典，某朋友亦是名牌擁戴者，希望「子憑校貴」。成功「越級挑戰」入讀九龍某名校，奈何其力有不逮，中一就「三連庄」，一同入校的同學已經升讀中四，他還是原地踏步，小朋友身心受到的負面影響顯而見之，甚至校長要最後通牒「今年是最後一年。」
哪位家長不希望子女能出人頭地？但在安排子女的未來時，卻往往按主觀意願而忽略了因材施教道理，要知道名牌也有次貨，少林寺也有爬狗洞出來的。中國有句俗語「寧為雞首莫為牛後」。選校宜按照子女的學習能力、學校的教學模式及校風等作全面考慮。
Posted in Feelings, Shirley | Leave a Comment »
諗住等到壹壹識講嘢先記得啲有趣對答, 原來未識講已經有交流!
某日我係廁所化妝預備返工, 壹壹想入嚟, 我就講 “要著鞋先入得廁所架嗃, 你有無鞋仔先?” 轉個頭就見到壹壹攞住一隻鞋…咁叻知我講乜?! 再考吓佢啦就講 ”鞋係1對有2隻架嗃, 你攞埋果隻嚟, 媽咪就就比你入嚟喇! “ 點知壹壹真係攞埋另外一隻鞋比我! 講咗要做, 之後壹壹就著住對鞋參觀廁所!
某日對講壹壹講, “壹壹去打爸爸一下” 跟住就好似飲醉酒咁走去打咗爸爸一下 “壹壹去錫爸爸一啖” 壹壹又走去錫爸爸一啖 “壹壹去咬爸爸一啖” 跟住就聽到肥爸爸嘅慘叫聲………
頭先返到屋企, 奶奶話壹壹攞咗塞住門果舊膠玩, 唔知玩咗去邊到, 梳化底, 網床底, 玩具箱通通搵過都唔見, 叫我再搵多次. 我四周圍搵都無, 我就帶壹壹去到廚房門前問 “壹壹你頭先玩塞住門果舊膠去邊呀? 媽咪搵唔到呀?” 一講完啫, 壹壹就伸出佢隻小手, 係廚房門前嘅電腦枱, 放keyboard個位到攞出果舊膠比我!
嘩! 壹壹你好叻呀, 原來你知媽咪講乜架! 不過叫你唔好啜手指, 你又唔聽囉!~~~~
Posted in Sairix, Shirley, Spencer | 5 Comments »
朱湛剛 都市博客 – 都市日報 17 April 2009
莫把子女淪為藝術的奴隸 崇尚功利主義的香港，藝術卻成了子女入讀名校的敲門磚、家長炫耀自己「成就」的工具、部分小朋友的沉重包袱，令無辜的莘莘學子慘被淪為藝術的奴隸。 每到周末，不時見到家長為了趕場，拖着身穿芭蕾舞衫的年幼子女，背着沉重樂器急步穿梭於大街小巷，小朋友原本天真爛漫的面上，掛上「我不願意」四個大字。
藝術是人類精神的昇華、藝術是抒發個人情懷的載體、藝術是意識形態的表現、藝術是陶冶性情，令人有愉悅的感官享受。 然而崇尚功利主義的香港，藝術卻成了子女入讀名校的敲門磚、家長炫耀自己「成就」的工具、部分小朋友的沉重包袱，令無辜的莘莘學子慘被淪為藝術的奴隸。
望子成龍是所有家長的心願，為了讓小朋友入讀心儀的學校時有「一技之長」作為敲門磚，個別家長按自己的主觀意願，不顧子女的天分和條件，硬生生地安排他們去學音樂、跳芭蕾舞等五花八門的藝術課程。結果當然適得其反，浪費金錢和時間之餘，更令親子關係鬧僵。
陪小女參加校際音樂節比賽目睹那一幕幕的情景，令人感慨萬千。表演台上準備不足者比比皆是，參賽者無法背下曲譜，臨場看譜才能演奏者有之；節拍不準者有之；音準不準者有之。更遑論小孩的音樂感、對樂曲的理解、演奏技巧、樂曲感染力。一看便知有部分小朋友是被逼學音樂、被逼參加比賽，結果是「被逼」出醜當場。
賽場上最慘烈者莫過於一位準備不足，全無音樂感的小妹妹，在台上「發台瘟」。比賽鐘聲響過，她戰戰兢兢彈了幾個小節，就不斷重複那幾個音節，老是記不起整首樂曲，最後更是雙目低垂俯首對琴沉默不語，似乎努力地在腦海中搜尋那突然被遺忘的曲譜。
台上台下如啟動了時光靜止器，一切都被凝結住，四下鴉雀無聲。時間一分一秒地過，感覺那陣子的時鐘行得比平日慢，直至評判的終結鐘聲響起，小妹妹強忍着的淚水奪眶而出，繼而直奔大門再也不回頭。
事情發生後有人歡喜有人愁，有些「降級」參賽的小朋友當然樂見其成，因為又少了一個競爭對手，距頒獎台又近了一大步。
世事總是那樣，你愈是想得到的，就離你愈遠。「降級」參賽者雖然彈奏較為悅耳，卻被評判一語道破，指她用一種較易的指法替代比賽規定較難指法去演繹。取巧的做法騙得過家長，卻騙不過精明的評判，結果同樣名落孫山。所謂台上一分鐘，台下十年功，搞藝術來不得拔苗助長，也來不得急功近利。五音不全的逼他學音樂、腰長腿粗的逼他學跳舞、色盲色弱的逼他學繪畫，結果是把小朋友變成藝術的奴隸，幕後黑手就是家長自己。
為人父母何不多留意子女的個性特點，注意發掘小朋友的潛能，與小朋友共同渡過一個愉快的童年。天生我才必有用，人的內在潛能不是逼出來的，而是誘發出來的，逼子女學非所長，注定失敗。
Posted in Feelings, Shirley | Leave a Comment »
酒行舊同事自己開公司Bacchus買酒, 昨晚去咗佢地嘅wine tasting, 因電話無電無影到相….
30幾款酒, 因未食嘢只係飲咗New Zealand 嘅Chardonny, Sauvignon Blanc 同Rose Champagne…..非常好打算買返一箱……..
同場又撞番2位舊同事, 佢地自己又係攪買酒生意, 不過就係網上 Wine Lovers, 好景時試過3個月賺幾十萬!
真係唔好睇小人嘅潛力, 你唔做就永遠唔知自己得唔得!
覺得佢地好叻, 好有膽色! 我都要諗下有乜嘢生意可以做先…..
祝佢地生意蒸蒸日上!
Posted in Feelings, Friendship, Shirley | 2 Comments »
