昨晚同肥爸爸一齊睇ID精英大結局, 講到郭晉安攞咗啲餃子去拜老婆姚嘉妮.
跟住問肥爸爸, 如果我死咗你會攞乜嘢食物嚟拜我?
肥爸爸笑笑口驚驚青答:
朱古力!
吓?
咖啡!
唔飽嗃! 搵啲嘢嚟食吓啦!
係佢諗緊之際, 我就話我會帶一jar啤酒加一碗白飯比你!
因為你係酒鬼加飯桶!!
最後肥爸爸都無乜頭緒, 唔知我想食乜!
“你記唔記得我係生壹壹前你攞咗乜嘢比我食呀?突然要入產房無得食呢?”
哦!記得喇!
肉眼扒!
唔好睇小呢碗烏冬!
麻麻煮嘅粥, 壹少一啖都無食, 望都唔望!!
但竟然可以食晒呢一碗我煮嘅烏冬!
其實唔係麻麻煮嘅粥唔好食
只係壹哥鍾意食烏冬多啲~
Posted in Food and Beverage, Sairix, Shirley | Leave a Comment »
Have been working here for 1 YEAR!
Love it?
Yes! Private office room, Flexibility on work, No overtime,
Better paid than before
Hate it?
Yes! When dealing with stupid, lazy and stubborn people
Suit me?
Yes, in terms of time as I have more time to spend with my son
Regret?
NO! NO regret!
I made the right choice to come here and work with some good colleague
Any Plan?
Try my best to do the every best
&
Influence others
Posted in Career, Feelings, Shirley | Leave a Comment »
之前講嘅攝影課程開班了!
老師第一堂問:
你點解要學影相: 因為1)幫自己增值學咗一定有用! 2)係公司要做埋marketing 請人影相好貴不如自己影 3)有部相機唔識用
你覺得攝影係乜嘢: 去補足一啲影像從中帶出一啲message
你依家有乜嘢攝影器材: 攞住肥爸爸部 Olympus E510學住先 (好想買部 Canon 500D 但老師話最終張相靚唔靚都係取決於你嘅技術!)
上咗2堂學緊理論: 光圈, 快門, ISO, 曝光補償, 白平衡, EV值, 色溫等等. 遲啲仲會有戶外實習~~~
影呢張相時係未上攝影班
Posted in Entertainment/ Hobbies, Shirley | 2 Comments »
知道有Twitter一段日子, 但無諗過用.
突然間GM話要用, 幫公司做吓宣傳嗃!
咁咪開咗個account囉, 睇吓係乜嘢嚟~~~~
摸咗1個鐘, 終於可以做到一有新post, Twitter and
Facebook 就會自動update! 依家方便好多, 唔洗次次 copy and paste
Posted in Career, Shirley | Leave a Comment »
黃毅力 力筆從心– 都市日報 4 June 2009
今天是六月四日星期四，「六四」民運的20周年紀念。20年前的今日，我還是警察，當年也上街遊行。不過，身為執法者，上街遊行是一件十分敏感的事，但身為中國人，這些小問題並不能阻止我參與「六四」集 會，因我心內那股愛國心正不斷燃燒。
還記得遊行途中，巧遇許多下了班的同事，也遇到很多朋友。當維持秩序的警員認出我時亦帶點微笑及認同，這是我人生中最難忘的遊行。那個時候，誰會說香港人沒有中國心，只懂搵錢呢？事實上香港人早在回歸前，已有一點正義感，對國家及民主的追求，也有一點勇氣。
「六四」這日子，實在值得每個香港人為在「六四」事件支持過、參與過、犧牲過的人，在這刻默哀、悼念及感恩。學生的方法是對是錯應由歷史評價，但我們也要感謝這班學生，他們的犧牲，為中國民主翻開了新一頁。
我有位張姓朋友，她向我說出自己的身世。原來她年輕時曾不斷被母親無理體罰毒打。當她長大後，反而以德報怨來修好那惡劣的關係。她這種善心及孝道，亦不自覺地以生命影響了生命，同時亦感動了她的孩兒與我。我們問，為何你曾被母親無理毒打，還對她這般關愛？她的答案很簡單：「所謂『切肉不離皮』，這血緣關係是不能改變，人活在世上抱怨太多便會成恨。當恨上了心就會影響生活，這會像雪球般不斷滾大。過去已過去，人為未來而活，從過去的經歷，我學懂如何不重複母親犯過的錯並警惕自己，面對下一代也要有寬恕的心，所以我的心靈自然得到安靜，活在感恩中。」
人會犯錯，我也經常犯錯，我們要有勇氣去面對自己所犯的錯，也要有勇氣學懂寬恕別人的錯，活在感恩沒有怨恨的心，這樣生命才有意義，才會幸福快樂。
Posted in Feelings, Shirley | 1 Comment »
星期一返到公司一坐低, 就收到一位客人嘅電話投訴(第2次了)! 呢位熟客足足用咗15分鐘又鬧又哦! 都係投訴啲同事態度差, 黑面咁. (呢位熟客係一間旅行社嘅老板, 經常帶本地一日遊呢酒店食lunch buffet上星期日就訂咗180人嘅餐)
作為半個管理層, 當然唔會只係聽個客講, 都要向同事查吓究竟發生乜嘢事!
問咗其實等如無問!都係果啲例牌答案: 客多啦, 人手唔夠啦!
但個point係:
一向都係人手不足情況下去handle 180人嘅餐! 點解今次會出事?!
將件事報告上級, 上級幫比投訴同事解釋: ‘果位同事平時唔係咁架, 可能真係多嘢做, 人手唔夠咪有小小黑面同講錯嘢咁囉!’
你係客可以接受呢個解釋嗎?
忙就可以黑面? 忙就可以鬧客?
我同呢位上級講, 星期日去咗翠華茶餐廳食晚飯. 當時全場坐滿, 我地諗到乜就叫乜, 個waiter來來回回幾次落order, 壹壹又係到要打杯杯碟碟, 又大聲叫, 叫咗通粉, 轉個頭又話要加啲湯又話要打包, 之後壹壹仲推跌咗成支醋!
45內分鐘接觸過嘅所有員工無一位向我地黑面! 佢地嘅reaction係非常之快, 真係叫乜有乜(當然佢地有足夠人手) 我地仲非常唔好意思, 未食完就要走! 果位經理仲講 ‘唔緊要, 都慣架啦, 小朋友係咁啦’
點解一間茶餐廳嘅員工可以做到咁好?!
突然間諗起個客鬧:
‘依家唔係5星定3星酒店問題! 係你啲同事無家教呀!
Posted in Career, Feelings, Shirley | 2 Comments »
上星期6放咗工, 約咗3位舊同事食Tea.
對上一次見面時已經係舊年6月, 當時係同我farewell, 今次輪到S同小姐!
終於我地4位都先後離開那個”鬼地方’!
友人提到”我唔想30幾歲仲要走去做sales call!”
當時個心一沉, 我已經30幾, 禽日先去咗洗樓! 鬼唔想坐係office等人嚟sell我咩!
呢兩日就諗起一個問題
“幾時可以自己做老板?”
做乜?唔知架! 但係做乜都好, 首先係要增值!
禽日就去報咗個初級攝影, 下個月開班……..
Posted in Career, Feelings, Shirley | 3 Comments »
